GALIZA CHORA.

Galiza chora.....

Outra vez a  negra  sombra  

 tinguindo de loito 
 a fermosa face desta terra.

Non hai palabras para entender o horror,

para xustificar a  desolación,

só existe   a impotencia...e o arrepío.

O ser humano   como  po   nas ás  do  vento
está  indefenso fronte ó execrable infortunio.

Galiza chora...
  Hoxe  non é a  nosa chuvia meiga
a que orballa o país;

son bágoas  de dor polas vítimas,

vítimas inocentes,

inocentes xoguetes nas mans do destino,

tantas veces cruel, sen corazón,

 que transgredindo a xustiza máis elemental,

traspasou  os límites todos da razón.

Chora  Galiza...

79 bágoas ...

que saen do corazón de todos os galegos.

Non hai palabras...

© Carmen Rivero.